الشيخة جوزاء التمياط (مزوجة العزبان)

مايو 19, 2008

أدخل هذا الرابط

http://www.alaslam.org/vb/showthread.php?t=1976

ويـــن العــــرب ، تكفون؟؟ !!

مايو 18, 2008

لقد جرفتنا الأحداث .. وكما قال المثل (كل ما جت الحزينة تفرح ما لقتلوش مطرح) فكل ما اقتربنا شوي من الرومنسية والفرفشة فاجأتنا الأحداث المؤلمة التي في الحقيقة تعودنا عليها بل ربما أدمناها مع كل أسف

 

 

الله؛ لا يرحـم عصابـات ؛ صهـيـون

اللـي ثرانـا ؛ الطاهـرة ؛  يدْنسونـه

مثل ( نتنياهو ؛ وبـاراك : شـارون  )

خلقِ ؛ لهـم بالمكـر فـن ؛  ومرونـة

(الكلب ) و(الثعلب) و(ثورٍ بلا قـرون )

الله ؛ يقطـع مثـل هيـك ؛ النمـونـة

الكل منهم ؛ قلبـه أسـود ؛  وملعـون

وشلـون لا ؟! والأنبيـاء ؛ يذبحونـه!

” صهاينة ” بالقتل والبطـش ؛ يسْلـون

حتى الطفل؛ والشيـخ ؛ مـا يرحمونـه

في ظلمهم ؛ معنى الحياء ؛ يستبيحـون

والكـل ؛ فـي جريمتـه ؛ يمْدحـونـه

” المسجد الأقصى ” بهم صـار مطعـون

مبدأ ” حقوق النـاس” مـا  يفهمونـه!

لو شفتهم ؛ حول الحوائـط ؛  يهِـزون

الله ؛ رب الخلـق ؛ مـا يعْرفـونـه  !

في طبعهم نقض العَهَد حيل مضمـون !

ما دام ؛ عهْـد الله ؛ مـا يحفظونـه  !

صهاينـةْ ؛ يهـود مهمـا ؛  يقولـون

نقـول : خلـوا قولهـم ؛ يفعلونـه  !

وتقول : ذا العالمْ .. بلا آذان  وعيـون

لا شيء ؛ يشوفونه ؛ ولا يسمعونـه  !

ما أدري ؛ بنا يشْرون ؛ وإلا يبيعـون ؟

إلـى متـى ؛ شتاتنـا ؛ يبعْثـرونـه ؟

صحيح ؛ قالوا عالم اليـوم ؛  مجنـون

متخالفٍ ؛ صالـح وفاسـد ؛ ظنونـه !

يشوفون ؛ نـاسٍ للمقابـر ؛  يشالـون

من شأن ؛ حرف الضـاد ؛ لا ينْطقونـه

لو كان هم ؛ وسط المساجـد  يصلُّـون

والمشكلـة ، لـو الهـوى ؛ يقْطعونـه

أطفال؛ وإلا كائـنٍ ؛ مـن يكونـون ؟!

عـلام؛ خضـوع العَـرَب ؛ يرفضونـه

الحق ؛ للفيتو علـى شـرع ؛ فرعـون

فـي لعبـةٍ ؛ بيـن الأمـم ؛ يلعَبونـه

لو ما العَرَب ؛ راضين بعدين ؛  يرضون

ينسونـهـا ؛ وإلا بـعـد؛ يذكـرونـه

وين العَرَب ؟! يا عالَم العرْبْ ؛ تكْفـون

إلى متى ” مجـد العَـرَب ” تدفنونـه  ؟

إن ما صحيتوا مع مدى الوقت  تصْحون

ولا تْفيـدكـم ؛ نـدامـةٍ ؛ تندمـونـه

و” أبناء العروبة ” أبداً ؛ مـا  يهانـون

والله معاهـم ؛ بيـن كافـه ؛  ونونـه

وشلون ؛ أهل ” شبه الجزيرة ” ينامون ؟

وأم العروبة ؛ فـي ضناهـا ؛  حنونـة

لا ريحـةْ الأفراح..فيهـا ؛  يشـمـون

ولا الطعـام ؛ ولـذتـه ؛ يشتهـونـه

في قلـب ” رام الله “ومنهـا ؛ يحسـون

” دم العَـرَب ” فيهـم تجنـن ؛ جنونـه

وأهل ” العراق ” ” القدس”فيها  يتغنـون

و” الشام ” وربوعـه يـردد ؛  لحونـه

والناس ؛ في ” نِيل الكنانة ” يصيْحـون

أعضاء جَسَدهم صـار فيهـا  سخونـة

و”المغرب الأقصى” كما السيف مسنـون

فيـه النواجـد ؛ كاظمـاتٍ ؛  سنونـه

مـع عالـمْ ؛ الإسـلام بالله ؛  يلبُّـون

باللهُ أكبـر ؛ صوتـهـم ؛  يرفعـونـه

على الجهـاد ؛ لقدسهـم ؛ يستجيبـون

معنـى التناحـر ؛ بينهـم ؛  ينْبذونـه

في أرضنا ؛ ” اليهود ” هيهات ؛ يبقـون

و” القدس ” ترجع في يدينـا ؛ شؤونـه

في “صرخةٍ للمعتصم “من صدى الكـون

وإلا ” صلاح الديـن ” يحمـي  ركونـه

“جيش أبرهة “من (طير أبابيل)  يفْنـون

لـو لحظـةٍ ؛ نياتكـم ؛  تخْلصـونـه

_________________________

________________________

 

 

التوقيع

[center]

تقبلوا خالص تحياتي
أخوكم د.شائم الهمزاني (أبو ياسر)


 

لي الفخر في الاعتقال

مايو 18, 2008

لي الفخــــر والخصم (نخلة وسيفيــــن) *** مثل الحصــــان اللي يتلِّــه عنانــي



 

 

ياسر: أنا يا أبـوك.. وسـط الزنازيـن

في قـدرة القـادر.. رمانـي ؛  زمانـي

بالظلـم جابتنـي شبـاك ؛ المعـاديـن

ما نيب ؛ لا سارق..ولا نيـب ؛  زانـي

أسباب ؛ كلمة (حق) ما بيـن  قوسيـن

نطقتهـا صـادق .. عيـانٍ ؛ بيـانـي

ودخلت ؛ فيها السجـن أحـلا الأمَرّيـن

لو كان لأجل (الحـق) يقطـع ؛ لسانـي

في راية ؛ أهل (الحق) نمشي ؛  وماشين

في نصر (حق الله) والأوطـان ؛  ثانـي

واليوم أنا من عام (خمسـه وعشريـن)

ما شفت ؛ نور الشمـس ولا ؛  ثوانـي

عيدت ؛ أنا يا أبـوك بالسجـن عيديـن

والثالث ؛ المقبـل وعيـد ؛  رمضانـي

قضيتهـا ؛ الأعيـاد مثـل ؛ المساكيـن

ثوب الفرح يا حسرتـي ، مـا كسانـي

وبالحج ؛ ما سمعـت صـوت  الملبيـن

حتى ؛ ولا سمعـت صـوت ؛  الأذانـي

على القهر يا أبـوك بالغصـب راضيـن

حكم القدر في قبـر الأحيـاء ؛  رمانـي

وحيد ؛ ما حولي من النـاس ؛  غاليـن

في مظلمٍ ؛ موحشْ يجيـب ؛  الجنانـي

إرتـاع ؛ لا جـاء عسكـريٍ ؛ يناديـن

بالرقم ؛ تالي الليـل لا مـن ؛  دعانـي

(واحد واحد تسعة) تفضل ؛ على  وين؟!

اخلـص ؛ بـلا سـؤال ولا ؛ تـوانـي

لو عدتها ؛ له قـال: طيـب وبعديـن؟!

صوته ؛ علي شجاع لو هـو ؛  جبانـي

وطق ؛ الكلبش وحـط قيـدٍ ؛ برجليـن

وعصب عيونـي دون عطـف وحنانـي

ومرات ؛ أنادي لـه ولا هـو  يحاكيـن

ولـو ؛ طلبتـه شـيءْ راح ؛ ونسانـي

وش عاد ؛ لو عانيـت مُـر؛  العذابيـن

حتـى ؛ ولا حبَّـةْ مسَكِّـن ؛  عطانـي

وبالسجن؛ أنا اختبرت جـود ؛القريبيـن

وعرفت ؛ صدق الصاحـب  المعشرانـي

وعرفت ؛ ناسٍ كن ما همـب ؛  داريـن

نـاسٍ ؛ علـي يبـون زود ؛ الهوانـي

وعرفت ؛ فيه أشكال خبـث ؛ الخبيثيـن

نـاسٍ ؛ بهـم حكـم القرابـة ؛ بلانـي

أهـل الشماتـة والمـلام ؛ الخسيسيـن

عن شأنهم ؛ يا أبوك مرفـوع ؛ شانـي

لي الفخر والخصـم (نخلـة  وسيفيـن)

مثـل (الحصـان) اللـي يتلـه عنانـي

ما هوب ؛ خصمي من يغسْل ؛ المواعين

يسوفهـا ؛ لعيـون بنـت ؛ الهـدانـي

هـذاك ؛ وأمثالـه سـوات (السعاديـن)

والذيب ؛ ما يقـواه مَكْـر ؛  الحصانـي

بأسي ؛ قوي بالله.. مـا همنـي  شِيـن

والسجـن ؛ مـا يهـز عامـر  كيانـي

مثل (الأسد) حولي سبـاع ؛ المساجيـن

والحمـد ؛ لله قبـل قـاصـي ودانــي

وش عاد ؛ لو بقيت بالسجـن  عاميـن

وإلا ؛ ثـلاث أعــوام وإلا ؛ ثمـانـي

رجاي ؛ بالله مـا رجيـت ؛ الضعيفيـن

والله ؛ ولا فكـرت فيـهـم ؛  ثـوانـي

في ساحة ؛ أبطال الوغـى ؛ بالمياديـن

أشيل ؛ فـي يمنـاي سيـف ؛ اليمانـي

واعَرف ؛ أنا يا أبـوك درب ؛  الردييـن

لكنـي ؛ أبعـد عـن دروب ؛ الطمانـي

وأسلك ؛ سبيل العـز بيـن ؛ العزيزيـن

أهـل العـلـوم الطيـبـة والمعـانـي

اللي ؛ على جور الزمن حيـل ؛ قاسيـن

مـا فيهـم ؛ اللـي للدنيـة ؛ يـدانـي

ما عمر؛ راع الهـون يمنـح (نياشيـن)

والجود ؛ لأهل العـزم والعمـر ؛ فانـي

باللهُ ؛ أكبـر فـوق كيـد ؛  الشياطيـن

ماضين ؛ ليـن الحـق نـوره ؛ يبانـي

والحق ؛ حق وينتصر لـو بعـد  حيـن

والظلـم ؛ مالـه بالعوالـم ؛ مـوانـي

لازم ؛ على الباغي تميـل ؛  الموازيـن

وآخذ ؛ مكانـه حيـن يصبـح  مكانـي

وأوصيك يا (ياسر) وصايـا  الموصِّيـن

أصبر ؛ على نار الضلـوع ؛  المحانـي

وادعوا ؛ لنا الله مع جمـوع  المصليـن

دعوات ( سبيع بـن وليـد السنانـي  )

وأوصيك ؛ حق أمك على الرأس والعيـن

ما دمت ؛ غايب خلهـا فـي ؛  مكانـي

بالحلم ؛ عاملهـا.. وبالرفـق  والليـن

(الأم) مـا قبلـه مـن النـاس ؛ ثانـي

و(خواتـك السبعـة) زهـور البساتيـن

خلك ؛ لهن يا أبوك مثـل ؛  الحصانـي

و(باهي ولافي) خلهم لـك ؛  عضيديـن

واحذر؛ يجيهم منـك غلطـة ؛  لسانـي

وأكرم؛ ضيوف الدار لاجـوك ؛  عانيـن

وأقاربـك ؛ والله هــو ؛ المستعـانـي

وأوصيك ؛ جيرانك ترى حقهـم ؛  دَيـن

خلك ؛ مثل مـا كنـت معهـم ؛ ترانـي

وقم ؛ للصلاة إلى غدا الليـل ؛ نصفيـن

واحذر ؛ مجـال الراقصـات ؛ الغوانـي

وأهجر ؛ هل الباطل.. وعاشر هل ؛ الدين

وأهل الدلال الصفـر وأهـل  الصوانـي

تـراك ؛ مـن نـاسٍ كـرامٍ ؛ مياميـن

من روس (شمر)(أسلمـي) و(هْمزانـي)

هذا وصلى الله على المصطفـى؛  آميـن

أعـداد ؛ مـا خـط القلـم ؛  بالبنانـي

 

التوقيع[center]

تقبلوا خالص تحياتي
أخوكم د.شائم الهمزاني (أبو ياسر)

[center]اللهم أرنا الحق حقا وارزقنا اتباعـــــــه
وأرنا اللهم الباطل باطلا وارزقنا اجتنابه

 

 

الحاسب الآلـــتي

مايو 18, 2008

اللي مسليني وحيد لحالــــــي *** الحاسب الآلي ولو غابوا الناس

أدخل هنا http://www.hailvb.com/vb/showthread.php?t=50138

حلمي الوردي

مايو 18, 2008

أدخل هنا http://www.hailvb.com/vb/showthread.php?t=67533

ضامي الشوق

مايو 18, 2008

قصيدة في لهفة الشوق والغرام العذري

أدخل هنا http://www.hailvb.com/vb/showthread.php?t=67707

قصيـــدة بالفصحــــى

مايو 18, 2008

في حب رسول الله محمد صلى الله عليه وسلم والدفاع عنه وعن رسالته في العبادة الخالصة والحب والعدل والرحمة

أدخل هنا http://www.hailvb.com/vb/showthread.php?t=52318